Logo

महासंघ अध्यक्ष गिरीद्वारा पत्रकार उपचार कोषलाई २५५२५ प्रदान गर्ने घोषणा

देश प्रदेश समाचारदाता १८ आश्विन २०७८, सोमबार २१:०३ मा प्रकाशित

विर्तामाेड। नेपाल पत्रकार महासंघ झापाका अध्यक्ष एवम् पूर्वाञ्चल दैनिकका प्रधान सम्पादक एकराज गिरीले आफ्नो जन्मोत्सवको अवसर पारेर सोमबार पत्रकार सहारा उपचार कोषलाई २५ हजार पाँच सय २५ रुपैयाँ प्रदान गर्ने घोषणा गरेका छन् ।
हाल अस्वस्थ भई आराम गरिरहेका  गिरीले महासंघ झापा शाखाले स्थापना गरेको उपचार कोषका लागि उक्त रकम प्रदान गर्ने घोषणा गरेका हुन् । स्वस्थ भएपछि उक्त रकम एक कार्यक्रमका बिच हस्तान्तरण गर्ने बताइएको उनले बताएका छन्।
दर्जन बढी सङ्घ–संस्थामा आबद्ध रहेर सामाजिक कार्यका साथै दुई दशकभन्दा अघिदेखि पत्रकारितामा सक्रिय  गिरीले उपचार कोषलाई सहयोग गर्दै पत्रकारको दिगो विकास र पत्रकारको हितमा योगदान गर्न सहयोग प्रदान गर्न लागेको अध्यक्ष गिरीले बताए ।
 झापाली पत्रकारहरूको हितमा आफूले महासङ्घको विभिन्न जिम्मेवारीमा रहँदादेखि नै काम गर्दै आएको र अध्यक्षको जिम्मेवारीसँगै पत्रकारको हितमा आफू निरन्तर रुपमा लागेको उनले बताए । महासंघ झापा शाखाले स्थापना गरेको उपचार कोष एक करोड रुपैयाँ पुर्‍याउने लक्ष्य राखिएको छ ।
कोषको ब्याजबाट पत्रकारहरू बिरामी तथा दुर्घटनामा घाइते हुँदा उपचार सहयोग प्रदान गरिँदै आएको छ । कोषमा हालसम्म ४५ लाख रुपैयाँभन्दा बढी रकम जम्मा भइसकेको महासङ्घका उपाध्यक्ष केशव भट्टराईले जानकारी दिए । कोषमा सहयोग जुट्ने क्रम जारी रहेको छ । आफू झैँ अरूले पनि जन्मोत्सव, विवाह उत्सव तथा पितृ स्मृति जस्ता सन्दर्भमा केही रकम योगदान गर्ने हो भने कोषलाई एक करोड रुपैयाँ बनाउन सहयोग पुग्ने अध्यक्ष गिरीले बताए ।
महासंघ झापा शाखाले विभिन्न सङ्घ–संस्था, सहकारी, बैङ्क तथा दाता सबैलाई एक पटक पत्रकारको दिगो हितका लागि स्थापना भएको उपचार कोषमा सहयोग गर्न आह्वान गरेको छ । महासंघ झापाका अध्यक्ष गिरीले यही कार्यकालमा कोषलाई एक करोड पुर्‍याउने लक्ष्यका  साथ काम गरिरहेको बताए ।

लोकप्रिय समाचार
लोकप्रिय छुटाउनुभयो कि ?